1 Samuel 16:1-13; Jabur 23; Efesus 5:8-14; Yokanan 9:1-41 AMPUN MAWANG TIYANG!“Aja mawang marang paraupan lan dhuwuring dedege, amarga ikuwis Suntampik. Pamirsane Gusti Allah iku beda karo pamawangemanungsa; manungsa mung nyawang marang kang kasat-mripat;nanging Sang Yehuwah mirsani isining atine.”(1 Samuel 16:7) Menawi kita mireng panyaruwe “wong ndesa”, “plonga-plongo” utawi“jokodok”, adhakanipun anggen kita mawas dipun engetaken kaliyanpanjenenganipun Bp. Ir. Djoko Widodo, mantan Presiden RI kalih periode.Saestu boten nginten babar pisan menawi presiden ingkang “plonga-plongo”menika ingkang kelampahan mbangun radosan, bandar udara, bendunganlan infrastruktur sanesipun. Panjenenganipun ugi kelampahan dhatengakeninvestasi ngamanca bangun pabrik wonten ing Indonesia srana UU Ciptakerja, lan ngedalaken kebijakan hilirisasi lan ngawisi ngekspor barang mentahkadosta nikel, mangan, timah, almunium, bauksit, CPO (lisah sawit mentah)lan sanes-sanesipun. Inggih presiden ingkang “ndesa” punika ingkangkelampahan mbubaraken mafia minyak Petral, nasionalisasi Freeport punapadene asetipun negara sanesipun kados dene TMII lan sanes-sanesipun.Inggih presiden ingkang “jokodok” punika ingkang kasil dadosaken bangsaIndonesia dipun ajeni dening jagad Internasional lan sangsaya dipun trensanikawulanipun kanthi tingkat kepuasan ingkang nglangkungi wolung puluh persen.Makaten ugi Gusti Allah anggenipun miji calon ratunipun bangsa Israel,saking salah satunggaling putra-putranipun Rama Isai, tanpa mawang pasuryan,dedeg piadeg punapa dene prejenganipun. Sarehne Saul kang dedeg piadegipuninggil tur inggih bagus piyambak saking antawisipun sedherek-sedherekipun,tundhanipun nyingkur Gusti lan dipun tampik Gusti. Pramila nalikanipunsatunggal mbaka satunggal putra-putranipun Isai dipun ajengaken, sanajanblegeripun endah, prejengan ratu, boten wonten ingkang dipun kersakakenGusti Allah.Begjanipun taksih wonten satunggal ingkang kantun; kang wuragil inggihpunika Dawud, ingkang nembe ngengen menda ing pasamunan. Lan punikaingkang dados pilihanipun Gusti Allah. Ingkang mangkenipun kepareng dadosratuning Israel ing saestu luhur boten wonten ingkang nyameni kaluhuraningDaud. Sampuna mawang tiyang! |*AJ

1 Samuel 15:32-34; Jabur 23; Yokanan 1:1-9 DADOSA SEKSI!“Ana priya rawuh kautus dening Allah asmane Yokanan.Rawuhe dadi seksi, kapatah nekseni bab Sang Padhang,supaya dadia lantarane wong kabeh padha pracaya.”(Yokanan 1:6-7) Salah satunggaling timbalanipun para pitados punapa dene pasamuwan,kejawi nggulawenthah kapitadosan inggih punika nelakaken paseksi. Sarehnepanggulowentahing kapitadosan punika sampun katindakna wonten ingpangibadah, pakempalan pandonga, panyuraos kitab suci, piwulangingkatekisasi, Sekolah Minggu lan kegiatan sanes-sanesipun; kalebet patuwen,nelakaken paseksi dados timbalan ingkang ketingalipun mirunggan anangingkebabaripun boten gampil. Minangka pasamuwan, GKJ Wirosari punikataksih kepareng ngawontenaken aksi sosial dhateng warga masyarakat ingsakiwa tengenipun greja; saben tahun sepindhak. Wondene nalika wontenkabar bencana alam, ugi kepareng nyengkuyung lumantar persembahanbencana. Mekaten ugi biyantoni masyarakat ingkang nalika tinempuh ingcovid-19, boten pikantuk pambiyantu saking pamarintah. Sanajan ta makatenmenawi dipun bandingaken kaliyan pangrimating kapitadosan, bot timbanganipunjomplang amargi waragad anggenipun nelakaken paseksi boten wonten prasedasanipun saking gunggungipun sedaya biaya operasional gereja.Awit saking punika, pratelaning nas ing nginggil saestu mbereg kawulasedaya nelakaken paseksi menggah Gusti Yesus Sang Pepadhanging Jagad.Pitakenipun: Kados pundi anggenipun saged dados seksi kados dene Yokanan?Sepisan, bilih anggenipun dados seksi punika kautus dening Gusti Allah piyambak.Sanajan dados seksi punika boten gampil, jer ingkang ngutus punika GustiAllah piyambak, pramila Gusti Allah piyambak ingkang kepareng badhemitulungi lan ndayani anggen kawula sedaya dados seksi. Laras kaliyanpaseksinipun jabur 23, Allah yeku Pangen Satuhu, pangrehnya nentremkenkalbu. Ingkang kaping kalih ngundangaken lan mbambaraken paseksi babPakaryan kawilujenganipun Gusti Allah ing Sang Kristus ingkang keparengmbabaraken katresananipun Gusti Allah ing ing kasangsaraning salib,kinanthenan ikhlasing manah ingorban murih karahayoning sesami. GustiMberkahi! |*AJ

1 Samuel 15:22-31; Jabur 23; Efesus 5:1-9 DADOSA PEPADHANG“Pancen, biyen kowe iku dadi pepeteng, nanging saiki kowedadi pepadhang ana ing Gusti. Mulane lakumudikaya putra-putraning pepadhang,”(Efesus 5:8) Salah satunggalipun gegambaraning tiyang pitados inggih punika dadospepadhang. Minangka pepadhang, gesanging umat sageda dados tuladha.Malah kepara dados pandom. Satemah sinten kemawon ingkang ndeleng,sageda ningali perangan ingkang sae lan leres ingkang ngener ing kayekten,kaadilan lan tentrem rahayu. Wosipun peranganing gesang ingkang sinubosinudharsono (peni lan pantes ditiru).Tinalesan waosan 1 Samuel 15:22-31, sinten ingkang kepareng dadospepadhang? Punapa Prabu Saul? Ingkang kepareng nelakaken raos keduwunglan linsemipun, awit langkung bangun turut awakipun piyambak lan damelremenipun tiyang sak nagari anggenipun jarah rayah raja kayanipun tiyangAmalek kangge pirantining kurban? Utawi Samuel ingkang kepareng netepikalenggahanipun minangka imam lan nabi anggenipun melehaken dosanipunPrabu Saul klawan blaka suta lan ngaturi uninga kersanipun Gusti anggenipunkepareng nglorod kalenggahanipun Saul minangka ratuning Israel?Temtu kemawon Samuel. Awit nelakaken pameleh lan bebendhunipunGusti Allah dhateng priyagung nagari ingkang langkung utama punika peranganingkang boten gampil lan mbebayani. Menawi wonten tan trimanipun PrabuSaul, saged kemawon Saul, ingkang nalika semanten taksih nglenggahi kalenggahanminangka ratuning Israel saged utusan prajuritipun kangge nyirnakaken Samueltemah lestari anggenipun nyepeng kalenggahan minangka ratuning Israel.Sanesipun ingkang saged kita tuladha saking Samuel inggih punika njagikaprabawan lan kaprawiranipun Prabu Saul sanajan sampun dipun tampikdening Gusti Allah. Samuel tetep kemawon nyarengi tindakipun Prabu Saul.Wusana awit saking kamirahanipun Samuel, Prabu Saul wusananipun sujudngabekti wonten ing ngarsanipun Yehuwah. Srana makaten suksesikepemimpinan ingkang badhe kalampahan ing tembe, katindakna klawantentrem tan wonten wutahipun rah. Dadosa pepandhang! |*AJ

Yeremia 2:4-13; Jabur 81; Yokanan 7:14-31, 37-39 MAWAS KLAWAN ADIL“Anggonmu ngukumi aja manut apa kang katon,nanging ngukumana kanthi adil”(Yokanan 7:24) Miturut Kamus Besar Indonesia, tembung adil punika ngemu pangertosansatimbang; boten memihak utawi mban cindhe mban silandan; saemperipun lanboten ndak wenang. Bebasan sama rata sama rasa. Sanajan netral; boten botsih, saestunipun patraping adil punika kedah nyingkuri kadurakan lan mbelanikayekten.Sami-sami anggenipun nindakaken colong jupuk (pencurian), MbahAsyani, ingkang kadakwa nyolong kayu jati cacah pitu ingkang reginipunseket ewu, nampi pidana setunggal tahun kinunjara lan denda gangsal atusjuta. Wondene Abdul Muis, ingkang korupsi (nyolong arta negara) ngantostigang atus trilyun, namung nampi pidana enem setengah taun. Kamangkamenawi dipun gatosaken anggenipun yasa kayu punika sadermi kanggedipan piranti pijet, pangupa jiwaning Mbah Asyani. Punapa malih miturutpangakening Mbah Asyani bilih kayu punika kagunganipun piyambakingkang pinangkanipun saking pategalanipun piyambak saderengipun dipun sade.Wosipun pamawasing adil punika boten ngemungaken tinalesan punapaingkang katingal kemawon, ananging ugi perangan ingkang boten katingal.Kados ijemanipun nas: “Anggonmu ngukumi aja manut apa kang katon,nanging ngukumana kanthi adil”. Sami kaliyan patrapipun tiyang Farisinalikanipun njeksani Gusti Yesus ingkang kadakwa nerak angger-anggeringsabat amargi nyarasaken tiyang ing dinten sabat. Parandene piyambakipuningkang ugi nethaki tiyang ing dinten sabat boten kapethang nerak angger-angger sabat. Kamangka saestunipun punapa ingkang katindakaken deningGusti Yesus anggenipun nyarasaken tiyang ing dinten sabat punika njurungiing kebabaring sabat. Inggih punika anggenipun sami kepareng mulihakenkawontenaning manungsa ingkang kacetha ing dhawuh: ing dina iku sira ajanyambut gawe, iya sira iya anakira lanang lan wadon, iya baturira lananglan wadon, dalasan kewanira, apadene wong liya kang ana ing papanpanggonanira, satemah nampeni pulihing kekiyatanipun malih. Mawasaklawan Adil. |*AJ

Purwaning Dumadi 29:1-14; Jabur 81; 1 Korinta 10:1-4 NGAJENI PARA LELUHUR“Anadene karepku, para Sadulur, supaya kowe padha mangerti,yen para leluhur kita padha ingauban ing mega, lan kabehwus padha lumaku nratas sagara …”(1 Korinta 10:1) Nalikanipun nedheng-nedhengipun ngantepi kapitadosan Kristen miturutpangertosan lahir baru (gesang anyar), patraping kapitadosan kula punikasaestu ekslusif lan fanatik. Ekslusif awit dene mitadosi bilih namung tiyangKristen kemawon ingkang kepareng nampeni kawilujengan. Fanatik awitdeneperanganing gesang ingkang cengkah kaliyan piwulanging agami, kadostatilik kubur punapa dene ngetingalaken kadhuhkitan ingkang sangklangkungkapenggak lan kapeper. Milanipun nalika suwargi bapak muwun nalikanipunkang ramanipun, inggih embah dalem kapundhut, kula nyaruwe. “Wong Kristenditinggal mati kok nangis?” Makaten ugi nalikanipun suwargi bapak ajak-ajaktilik kuburipun simbah, kula mangsuli: “Emoh! Cik ben wong mati padhangubur wong mati!” dumeh suwargi simbah punika dereng ngrasuk agami Kristen.Samangke, lumantar nas punika kawula dadha lan nglenggana bilihGusti Allah sampun kepareng mitulungi gesanging para leluhur anggenipunsami kepareng ingauban ing mega lan lumampah nglangkungi seganten.Wonten ing ngriki ingkang dados titikan anggenipun dados umatipun Gusti(nampeni pratanda baptis) inggih punika anggenipun kepareng mbangunturut Gusti sanajan margining gesang ingkang dipun lampahi punikasangklangkung awrat dan kebaking kasangsaran.Wusana makaten, kawula lajeng kemutan cariyosipun bapak kados pundilabuh labetipun simbah murih bapak saged sekolah. Dhatan mawang sayahlan wayah anggenipun ngrimati pategalan lan saben ingkang namung saperangan.Menawi wonten asilipun, saperangan kakintun. Anggenipun ngintun,kapanggul piyambak. Tindak nratas rel sepur ngantos dumudi papan kos-kosan, kalih dinten lumampah. Tinalesan pangandika: Sira ngajenana bapa-biyungira! Uger ngraosaken awrat ing momotan, kula mijikaken wegdal tuwipesareanipun simbah lan bapak. Tan asung pandonga wilujeng anangingngweningaken raos lan ngenget-enget pangrehipun Gusti wonten inggesanging para leluhur.|*AJ.

Purwaning Dumadi 24:1-27; Jabur 81; 2 Yokanan 1:1-13 BIBIT, BOBOT, BEBET“Nanging kowe menyanga tanah asalku lan ing panggonane kulawargaku,nggolekna jodho anakku Iskak.”(Purwaning Dumadi 24:4) Satunggaling tanggung jawabipun tiyang sepuh inggih punika ngentasakepara lare, lumebet ing gesang bebrayan. Murih anggenipun saged lestari,tentrem lan raharja; anggenipun miji jodho ingkang dados jatu kramanipunboten angger-angger kemawon. Wonten trapsilaning akrami ingkang kedahkapundhi. Inggih punika bibit, bobot lan bebet. Wondene bibit punikamagepokan kaliyan trah utawi keturunan, bobot punika nelakaken mutuutawi kwalitasipun, dene bebet punika mratelakaken bab status sosial punapadene ekonomi. Ing antawis tetiganipun ingkang paling wigati inggih punikabibit. Jer bobot punapa dene bebet punika saged dipun upadi punapa denedipun ewahi.Pramila makaten nalikanipun Rama Abraham kepareng miji wanodyaingkang kepareng badhe jatu kramanipun Iskak; kang putra, panimbang ingkangutami inggih punika bibit. Inggih punika wanodya ingkang pinangkanipunsaking trahipun brayatipun Rama Abraham. Sampuna ngantos gegandhengankaliyan wanodya Kanaan. Pamijinipun Abraham ingkang miji saking trahipunpiyambak boten nama rasis. Ananging panimbanging manah ingkang lebet;mirungganipun ing bab kapitadosan ing ngarsanipun Sang Yehuwah.Saiba begjanipun nalika tuwa-tuwaning abdinipun Rama Abraham nalikadumugi ing wewengkon leluhuripun Rama Abraham, pinanggih kaliyan wanodyaingkang ngemu bobot. Inggih punika endah ing warna lan dhemen tetulung.Inggih punika anggenipun keparing maringi pangomben dhateng para abdikalawau sak unta-untanipun. Kacihna menawi wanodya punika yoganipunRama Betuel, putranipun Embah Milka patutan kaliyan Embah Nahor; inggihembahipun Rama Abraham. Kanti makaten nggadahi bibit ingkang sae.Dene nalika didangu punapa saged nyipeng ing griyanipun, pratela menawi:“Ing griya kula kathah dami saha tetedhan kewan lan ugi wonten papanpasipengan.”(ay. 25) mratandhani bilih bebetipun ing pantes. Mugianggenipun manggihaken rowang kang sembada satraju bibit, bobot lanbebet. Gusti mberkahi! |*AJ

Pangentasan 17:1-7; Jabur 95; Rum 5:1-11; Yokanan 4:5-42 AJA DUMEH“Kowe padha Dakutus ngeneni kang dudu garapanmu. Wong liya kangpadha nggarap, lan kowe kang padha ngundhuhi pametuning garapane.”(Yokanan 4:8) Nalikanipun Gusti Allah ngganjar gesang ingkang linangkung, adhakanipuntiyang punika lajeng nggadhahi patrap ngadhi-adhi. Rumaos unggulpiyambak, rumaos sugih piyambak, rumaos wasis piyambak. Tundhanipunkumalungkung lan ngremehaken asanes. Saperangan malah wonten ingkangnyatroni Gusti Allah lan nganggep bilih sedaya kaluwihanipun punika awitsaking pambudidayanipun piyambak.Awit saking punika, nalika Gusti Yesus nguningani para sakabat keparengnelakaken baptisan ingkang gunggungipun langkung kathah katimbang baptisaningkang katindakaken para sakabatipun Nabi Yokanan, Panjenenganipunanggenipun kundur ing Galilea nratas margi ingkang nglangkungi wewengkonSamaria. Dilalah nalikanipun dumugi Sikhar, ing pundi wonten sumuripunRama Yakub, Gusti Yesus wawan pangandika kaliyan pawestri Samaria. Wosipunpawestri kalawau sami nelakaken paseksi menggah Gusti Yesus, inggih SangKristus piyambak, lan kathah tiyang Samaria ingkang sami manjing pitados.Wonten ing ngriki Gusti Yesus paring piwucal bilih saestunipun sabentiyang punika wonten bagianipun piyambak-piyambak. Ampun dumehsampun kepareng baptisi tiyang-tiyang Yahudi, lajeng rumaos unggul lanngremehaken sesami. Kamangka saestunipun peranganing kaunggulan ingkangginayuh punika ugi wonten eguh pratikeling asanes, sanes pambudidayanipunpiyambak. Punapa malih ngengeti panjurung pitulunganipun Gusti Allahlumantar Rohipun ingkang suci ingkang makarya ing telenging batos para-para ingkang sami manjing pitados.Pramila makaten, aja dumeh. Sageda sami rumaos. Ampun rumaos saged.Laras kaliyan pangandika: “Kang siji nyebar, sijine kang ngeneni. Kowe padhaDakutus ngeneni kang dudu garapanmu. Wong liya kang padha nggarap,lan kowe kang padha ngundhuhi pametuning garapane.” Aja Dumeh! |*AJ

Pangentasan 16:27-35; Jabur 95; Yokanan 4:1-6 NGASORAKEN SARIRA; ANJANGKUNG PEPADHA“Anadene tindake mau kudu miyos ing tanah Samaria.”(Yokanan 4:4) Limrahipun nalika wonten arak-arakan, badhea punika arak-arakaningsuporter olah raga punapa dene lare sekolah ingkang sami lulusan, margiingkang dipun langkungi punika margi ingkang rame tur padhet. Pamrihipunsupados sedaya tiyang sami nekseni lan njurungi raosing kabingahaningkang karaosaken dening ingkang sami arak-arakan punika. Emanipun,kathah ingkang sami kebacuten. Anggenipun numpak kendaraan klawanknalpot ingkang sora (bronx), dipun geber-geber lan tumindak brangasan.Kados-kados radosan punika gadhahanipun piyambak. Boten sami ngaosikendaraan sanes ingkang sami langkung. Patrapipun adigang-adigung-adiguna.Boten makaten tumrapipun Gusti Yesus. Nalikanipun wonten ing tlatahYudea, para sakabatipun Gusti Yesus rumaos unggul saking sakabatipunYokanan Pembabtis, awit anggenipun mbaptisi tiyang-tiyang gunggungipunlangkung kathah, nalikanipun badhe kundur wonten ing Galilea, Gusti Yesusmiyos Samaria. Sanajan jarakipun langkung tebih, radosan punika kapetangsepi. Amargi awis-awis tiyang Yahudi ingkang nglangkungi radosan punika.Srana makaten, mbok menawi wonten raos bombong ing antawisipun parasakabat; boten kalajeng dados kumalungkung lan tetap andhap asor,nalikanipun pikantuk pangalembananing tiyang-tiyang ing sauruting margi.Kejawi makaten, Gusti Yesus kepareng ugi anjangkung tiyang-tiyangSamaria, ingkang nalika samanten kagolong sanes umatipun Gusti. Punapamalih ngengingi sesatron ing antawisipun tiyang Yahudi lan tiyang Samaria,ingkang sampun kebabar atusan taun. Saiba bingahipun nalika tiyang-tiyangSamaria ingkang dipun panggihi ugi sageda nampeni pratandha baptis.Ateges sami-sami kadhapuk minangka umat kagunganipun Gusti. Lansesatron ing antawisipun tiyang Yahudi lan Samaria sageda enggal kalebur.paribasan. “Nglurug tanpa bala, menang ditanpa ngasorake.” Ngasorakesarira; anjangkung pepadha! Gusti Mberkahi! |*AJ.

Pangentasan 16:9-21; Jab’ur 95; Efesus 2:11-22 BOTEN PARENG MERI“kang ngukup akeh ora turah lan kang ngukup sathithik ora kurang.Saben wong pangukupe manut tadhahe.”(Pengentasan 16:18) Wonten bebasan iri tanda tak mampu. Nelakaken bilih raos meri, botenremen menawi ningali tiyang ingkang linangkung, tundhanipun namungmratandhani bilih awakipun piyambak punika boten saged. Mirungganipunboten saged ngaturaken panuwun inggih awit berkah saha pangrimatingkang sampun kepareng kaparingaken Gusti Allah wonten ing gesangipun.Sanajan dereng kantenan bilih berkahipun Gusti dhateng tiyang sanes langkungkathah tinimbang berkahipun Gusti wonten ing gesangipun piyambak. Awitsaestunipun berkahipun Gusti punika murwat, boten langkung punapamalih kirang. Mawa-mawa miturut kabetahan lan tanggunganipun. Laraskaliyan dhawuhipun Gusti: “Sira ngukupana iku, siji-sijine wong mituruttadhahe dhewe-dhewe; saben wong njupuka kanggo brayate, wong sijisagomer, saben brayat njupuka miturut jiwane.” (Pangentasan 16:16)Menawi boten saged sami ngaturaken panuwun tundhanipun namungnuwuhaken raos srei lan drengki malah asring ngedumeli Gusti. Wusananipunmujudaken pandamel ingkang andlarung dosa lan mitunani awakipunpiyambak. Punika saumpami peksi alap-alap ingkang meri dhateng alap-alapsanesipun ingkang nggadahi dedeg piadeg ingkang langkung ageng lan wuluingkang langkung endah jer anggenipun mabur, langkung inggil saking alap-alap sanesipun. Sawijing wegdal wonten juru pambedhag ingkang mlebetwana saperlu sami mbujeng kewan alasan. Kaleres pinanggih peksi alap-alapingkang meri kalawau. Lajeng sami pradondi murih sagedipun dhawahakenpeksi alap-alap srana jemparing. Murih sagedipun, jemparing punika kedahngangge wulunipun peksi alap-alap ingkang meri kalawau. Satunggal mbakasatunggal, jemparingipun kalepasaken. Begjanipun boten wonten satunggaljemparing kemawon ingkang nempuhi peksi alap-alap ingkang sae punika.Wusana peksi alap-alap ingkang meri punika wulunipun ngantos telas lanbrondol, tundhanipun kacepeng dening juru pambedag lan dipun bektawangsul. Milanipun boten pareng meri mundak rugi. |*AJ